काठमाडौं । युट्युबले आफ्नो १० वर्ष पुरानो ट्रेण्डिङ पेज र ट्रेण्डिङ नाओ फिचर हटाउने भएको छ । ट्रेण्डिङ पेजको सट्टा, category-specific charts प्रदर्शन गर्ने अवधारणा सहित युटुबले यो फिचर बन्द गर्ने घोषणा गरेको हो ।
यी चार्टहरूमा ट्रेण्डिङ म्युजिक भिडियोहरू, साप्ताहिक टप पोडकास्ट शोहरू, र ट्रेण्डिङ चलचित्रका ट्रेलरहरू समावेश गरिने युटुबले जनाएको छ भने भविष्यमा यस चार्टमा थप वर्गहरु पनि समावेश गरिने युटुबको भनाई रहेको छ । यसका साथै युट्युबले आफ्ना दर्शकहरूमा के लोकप्रिय छ भनेर पत्ता लगाउन आवश्यक विश्लेषणात्मक उपकरणहरू (analytical tools) पनि उपलब्ध गराउने जनाएको छ ।
