काठमाडौं । टेक जायन्ट कम्पनी मेटाका सिइओ यतिबेला शपिङमा निस्किएका छन्, । उनी हामी साधरण मान्छेको जस्तो कपडा , तरकारी जस्ता कुराहरुको शपिङमा निस्केका होइनन् । उनले शपिङ गर्ने ठाउँ हाम्रो जस्तो घर नजिकैको किराना पसल ,कपडा पसल , मार्ट वा शपिङ मल पनि होइनन् । उनको बजार हो Apple, Microsoft, Open AI, Google जस्ता अन्य टेक कम्पनीहरु र जुकरवर्गले यि कम्पनी बाट किनिरहेका छन्, हालको समयमा विश्वका सबै भन्दा क्षमतावान मानिएका “टेक माइन्डहरु” ! हालै मात्र १०० मिलियन डलर अर्थात १३ अर्ब ३५ करोडमा ओपन एआइमा कार्यरत एक सफ्टवेयर इन्जिनियरलाई किनेका मार्क जुकरवर्गले फेरी १८७ मिलियन डलरमा अर्का इन्जिनियरलाई मेटाको सुपर इन्टिलिजेन्स ल्याबमा भित्राएसँगै विश्व संचार माध्यमको हेडलाइन बन्न सफल भएका छन , उनी ।
आखिर के गर्दै छन्, मार्क जुकरवर्ग ?
हामी ले आर्टिफिसियल इन्टिलिजेन्सको (AI) को बारेमा त सुन्दै आएका छौँ । तर अहिले मेटा , ओपन एआइ जस्ता कम्पनी हरु भने एआइ भन्दा पनि क्षमतावान प्रविधी विकास गर्ने दौडमा लागिपरिरहेका छन्, जसलाई प्राविधिक भाषामा artificial general intelligence (AGI) भन्ने गरिन्छ । सामान्य भाषामा भने यसलाई Super intelligence (SI) भनेर बुझ्ने गरिन्छ ।
यसलाई अझै सहज भाषामा भन्नुपर्दा यो प्रविधिले AI लाई मानविय टच दिनेछ । यही कार्यका लागि हाल जुकुरवर्गले प्रख्यात कम्पनी मार्फत यस क्षेत्रमा आफ्नो पहिचान बनाइसकेका मानवशक्तिलाई आफ्नो कम्पनिमा आवद्द गर्न आक्रामक ढंगले अगाडि बढेको सहज अनुमान गर्न सकिन्छ ।
जस अनुरुप हाल एप्पलमा कार्यरत Ruoming Pang नाम गरेका सफ्टवेयर इन्जिनियरलाई वार्षिक २५ सय करोड भन्दा धेरै तलब सुविधा सहित मेटामा भित्राएका हुन्, । रुओमिङ पाङ सन् २०२१ देखि एप्पलसँग काम गरिरहेका थिए। त्यसअघि उनले गुगलमा पनि काम गरिसकेका छन्। रिपोर्टहरू अनुसार अब उनी मेटाको Meta Superintelligence Labs (MSL) मा काम गर्ने तयारीमा छन्। रुओमिङ पाङले अब Scale AI का पूर्व सीईओ अलेक्जेन्डर वाङलाई रिपोर्ट गर्नेछन्। अलेक्जेन्डर वाङले गत महिना Scale AI को सीईओ पदबाट राजीनामा दिएका थिए ।
