काठमाडौं । गुगलले आफ्नो Chrome वेब ब्राउजरका लागि एक नयाँ फिचर सार्वजनिक गरेको छ। जस अनुसार Chrome प्रयोगकर्ताहरूले अनलाइन स्टोरको AI-निर्मित समीक्षा पाउन सक्ने छन्, । शपिङ प्रकृयालाई थप सुरक्षित र प्रभावकारी बनाउन यो फिचर ल्याइएको गुगलले जनाएको छ ।
यो सुविधा वेब ब्राउजरमा वेब ठेगाना (URL) को बायाँपट्टि देखिने सानो आइकन क्लिक गरेर प्रयोग गर्न सकिने जनाइएको छ । जसमा एक पप अप विन्डो मार्फत स्टोरको कुल प्रतिष्ठा, उत्पादनको गुणस्तर, मूल्य, ग्राहक सेवा तथा रिटर्न पोलिसी बारे जानकारी दिने छ । यी जानकारीहरू Reputation.com, Reseller Ratings, ScamAdviser, Trustpilot लगायतका विभिन्न पार्टनरहरूको प्रयोगकर्ताले लेखेका समीक्षाहरू स्क्यान गरेर AI ले तयार गर्ने बताइएको छ । यो सुविधा डेस्क्टप ब्राउजर मार्फत अमेरिकामा मात्र उपलब्ध छ । अमेरिका बाहेकका देशहरुमा यो फिचर कहिले देखि लागु हुन्छ भन्ने बारे गुगलले कुनै जानकारी गराएको छैन ।
