काठमाडौँ । OpenAI ले आफ्नो नयाँ पुस्ताको एआई(AI) मोडल GPT-5 सार्वजनिक गरेको छ, जसलाई कम्पनीले अहिलेसम्मको सबैभन्दा शक्तिशाली, बहु-क्षेत्रीय र सटीक AI प्रणालीको रूपमा प्रस्तुत गरेको छ। यो मोडलले लेखन, कोडिङ, स्वास्थ्य परामर्श, वैज्ञानिक अनुसन्धान र जटिल तर्कशक्ति (Reasoning) मा ‘PhD-स्तर’को प्रदर्शन गर्ने दाबी गरिएको छ।
OpenAI का अनुसार, GPT-5 ले अघिल्ला संस्करणहरूमा देखिएका hallucination समस्या अर्थात् तथ्यविहीन वा गलत जवाफ दिने प्रवृत्तिलाई उल्लेखनीय रूपमा घटाएको छ। आन्तरिक मूल्याङ्कनमा यसले विभिन्न पेशागत परीक्षाहरू, जस्तै मेडिकल, कानुन र प्रविधि क्षेत्रमा, अघिल्लो GPT-4 भन्दा उच्च अंक प्राप्त गरेको छ।
