काठमाडौं। विश्वकै ठूलो कोड होस्टिङ प्लेटफर्म GitHub का प्रमुख कार्यकारी अधिकृत (CEO) थमस डोह्मकेले आफ्नो पदबाट राजीनामा दिने घोषणा गरेका छन्। गत सोमवार आफ्नो ब्लग पोस्ट मार्फत उनले सो योजना सार्वजनिक गरेका हुन्।
डोह्मके २०२१ मा GitHub को नेतृत्वमा आएपछि कम्पनीले AI-आधारित कोडिङ सहायक “GitHub Copilot” लाई बजारमा उतार्दै ठूलो सफलता प्राप्त गरेको थियो। उनले आफ्नो कार्यकालमा डेभलपर प्रोडक्टिभिटी र ओपन-सोर्स प्रोजेक्टमा पहुँच विस्तारलाई प्राथमिकता दिएका थिए।
उनका अनुसार, अब GitHub लाई नयाँ नेतृत्वको आवश्यकता छ जसले कम्पनीलाई आगामी दशकमा अझ प्रविधि-केन्द्रित र नवीन बनाउनेछ। Microsoft (GitHub को मूल कम्पनी) ले नयाँ CEO खोज प्रक्रिया सुरु गरिसकेको छ।
डोह्मकेले Microsoft अन्तर्गतको GitHub छोडेर फेरि उद्यमी बन्ने निर्णय गरेको बताएका छन्। उनले ब्लग पोस्टमा भनेका छन्, “मैले GitHub छोडेर फेरि फाउन्डर बन्ने निर्णय गरेको छु,” तर नयाँ उद्यम सम्बन्धमा विस्तृत जानकारी भने दिएका छैनन्।
