काठमाडौँ। आधिकारीक निकायले नेपालमा अहिले पर्याप्त मात्रामा बिजुलीको जोहो भएको छ, लोडशेडिङ छैन, भनेर भने पनि पछील्लो समय विभिन्न प्राविधिक कारणको बाहना दिदै बत्ती झ्याप्प झ्याप्प जाने गरेको छ। कहिले गर्मीको मौसममा विद्युत् माग अत्यधिक बढ्दा तारहरूले लोड धान्न नसक्ने कारणले बत्ती जलेको कुरा सुन्न पाइन्छ भने कहिले अन्य प्राविधिक कारण ।
यस्तो अवस्थामा मान्छेहरुको मोबाइल डाटामा बढि पैसा खर्च अनुमान गर्न सकिन्छ ।। बत्ती कति बेला आउँछ नै थाहा नभए पछी डाटा यत्तिकै खर्च हुने सम्भावना पनि बढ्न सक्छ । अफिसको काम पनि ठप्प हुन सक्छ। यस्तो अवस्थामा उपायोगी तपाईको उद्दार गर्ने उपकरण हुन सक्छ Router UPS ।
के हो Router/Wifi UPS?
WiFi UPS (Uninterruptible Power Supply) भन्नाले त्यस्तो उपकरण हो, जसले बिजुली गएको अवस्थामा backup को रुपमा काम गर्छ र इन्टरनेट सेवा प्रदान गर्छ।
WiFi UPS सामान्यत ब्याट्रीमा आधारित हुन्छ र बिजुली जाने बित्तिकै WiFi राउटरमा स्वचालित रूपमा पावर उपलब्ध गराउन थाल्छ। यसलाई बिजुली भएको समयमा चार्ज गर्नुपर्छ, र बिजुली नभएको अवस्थामा ब्याट्रीमा भण्डारण भएको विद्युत् स्वचालित रूपमा राउटरलाई दिइन्छ, जसले इन्टरनेट सेवा निरन्तर चलिराख्छ।
WiFi UPS किन्दा ध्यान दिनु पर्ने कुराहरु
१. ब्याट्री क्षमता- उच्च क्षमता भएको UPS ले लामो समयसम्म पावर ब्याकअप दिन्छ। सामान्यत 8800mAh वा सो भन्दा माथि को ब्याट्री क्षमता भएको UPS उपयुक्त हुन्छ।
२. सुरक्षा सुविधाहरू: Overcharge Protection, Over Discharge Protection, Short Circuit Protection जस्ता सुरक्षा सुविधाहरू भएको UPS रोज्नु राम्रो हुन्छ।
३. एक्स्ट्रा पोर्टहरू: Emergency समयका लागि मोबाइल चर्जिंग पोर्ट र आरु विधुतीय उपकरण चार्ज गर्न मिल्ने एक्स्ट्रा चर्जिंग पोर्टहरु भएको UPS किन्नु उपयुक्त हुन्छ।
नेपाली बजारमा कस्तो UPS उपलब्ध छन् ?
नेपाली बजारमा विभिन्न क्षमता र मूल्य श्रेणीका WiFi UPS हरू उपलब्ध छन्। Hi Tech र Smart Key Energy जस्ता कम्पनीहरूले ८,००० mAH भन्दा बढी ब्याट्री क्षमता भएका UPS हरू बिक्री गर्दै आएका छन्, जसको मूल्य प्रायः रु १८०० भन्दा माथि पाउन सकिन्छ।
UPS को मूल्य बढ्दै जादा, सामान्यत: यसको ब्याकअप समय बढी हुने सम्भावना हुन्छ। उदाहरणका लागि, कम मूल्यको WiFi UPS ले सामान्यतय छोटो ब्याकअप समय दिन्छ भने अलिकति महँगो UPS ले तुलनात्मक रूपमा लामो ब्याकअप समय दिन सक्ने देखिन्छ।
नेपाली बजारमा उपलब्ध केहि WiFi UPS का विकल्पहरु
१. Hitech Mini DC UPS
- ब्याट्री क्षमता- 8800 mAH
- ब्याक अप- ६-८ घण्टा
- वारेन्टी- १ वर्ष
- एक्स्ट्रा USB चर्जिंग पोर्ट (मोबाइल, सी सी टिभी , र अन्य उपकरण जोड्न मिल्ने )
- मूल्य- रु १,९००- २,५००
२. Smart Key Energy WiFi-DC UPS
- ब्याट्री क्षमता- 20000 mAH
- ब्याक अप- १२ – १४ घण्टा
- वारेन्टी- ६ महिना
- एक्स्ट्रा USB चर्जिंग पोर्ट (मोबाइल, सी सी टिभी , र अन्य उपकरण जोड्न मिल्ने )
- मूल्य- रु ३५०० – ४२००
(नोट: यहाँ बताइएका मूल्य एभरेज बजारी मूल्य हुन् , स्थान र विक्रेता अनुसार मूल्य फरक पर्न सक्छ।)
तपाईंले आफ्नो आवश्यकता र बजेट अनुसार WiFi UPS छनोट गर्न सक्नुहुन्छ। यदि छोटो समयको ब्याकअप पर्याप्त छ वा बजेट सीमित छ भने, कम मूल्यको र कम ब्याट्री क्षमताको UPS उपयुक्त हुन्छ। तर यदि लामो समयसम्म इन्टरनेट चलिराख्न आवश्यक छ भने, उच्च क्षमता र लामो ब्याकअप दिने UPS रोज्न सकिन्छ।
