काठमाडौँ। वर्ल्डलिंक इन्टरनेट र कारोबार एपले सहकार्य गर्दै नयाँ अफर सार्वजनिक गरेका छन्। यस अफरअन्तर्गत, वर्ल्डलिंकका ग्राहकहरूले तिन महिनासम्म कारोबार एपको प्रिमियम सदस्यता निःशुल्क प्राप्त गर्न सक्ने बताइएको छ।
नेपालमा साना व्यवसाय सञ्चालन गर्दा, लेखा व्यवस्थापन, स्टक ट्र्याकिङ, खाता नियन्त्रण र भुक्तानी जस्ता कामले व्यवसायीहरूका लागि कहिलेकाहीँ चुनौतीपूर्ण स्थिति सिर्जना गर्न सक्छ। यस्ता समस्याको समाधानका लागि तयार पारिएको एप हो कारोबार एप। यस एपले नेपाली उद्यमीको आवश्यकता अनुसार व्यवसाय सजिलो, व्यवस्थित र प्रभावकारी बनाउन सहयोग गर्छ। यो एप लेखा सफ्टवेयर मात्र नभएर, व्यवसायका जटिल प्रक्रियाहरूलाई सरल बनाउने व्यवस्थापन उपकरण हो। कारोबार एपले व्यवसायको अव्यवस्थित पक्षलाई व्यवस्थित गर्न महत्वपूर्ण भूमिका खेल्छ। यो सहकार्य छुट वा अफर मात्र नभएर साना व्यवसायको समृद्धिका लागि वर्ल्डलिंक र कारोबारको रणनीतिक पहल रहेको वर्ल्डलिंकले जनाएको छ।
टर्म्स एण्ड कन्डिसन्स:
वर्ल्डलिंकका अनुसार, यस अफरसँग सम्बन्धित नियम तथा शर्तहरू यस प्रकार रहेका छन्।
- यो अफर सबै सक्रिय वर्ल्डलिंक आवासीय ग्राहकहरूका लागि मान्य छ (प्रत्येक प्रयोगकर्ताका लागि एक प्रिमियम योजना)।
- कारोबार एपको ३ महिनाको प्रिमियम सदस्यता (डाइमन्ड योजना) पूर्ण रूपमा निःशुल्क उपलब्ध हुनेछ।
- पहिले नै कारोबार प्रिमियम प्रयोग गरिरहेका ग्राहकहरू यस अफरका लागि योग्य छैनन्।
- निःशुल्क प्रिमियम योजना ३ महिनापछि स्वतः समाप्त हुनेछ। सक्रिय रूपमा अपग्रेड नगरेसम्म कुनै शुल्क लाग्ने छैन।
- फारम पेश गर्दा, तपाईं वर्ल्डलिंकलाई आवश्यक विवरणहरू कारोबारसँग साझा गर्न अनुमति दिनुहुन्छ (तपाईंको खाता सक्रिय गर्नका लागि मात्र)। तपाईंको विवरण सुरक्षित रहनेछ र अन्यत्र साझा गरिने छैन।
- वर्ल्डलिंक र कारोबार एपले अफरलाई परिवर्तन वा समाप्त गर्ने अधिकार राख्दछन्।
वर्ल्डलिंक ग्राहकहरूले यस अफरको फाइदा उठाएर आफ्नो व्यवसायलाई व्यवस्थित, र प्रभावकारी बनाउन सक्ने छन्।
