काठमाडौं। गुगलले हालसालै सार्वजनिक गरेको नँया स्मार्टफोन ‘Pixel 10 Pro’ को क्यामेरा अहिले सबैको सेन्टर अफ अट्र्याक्शन नै भैसकेको छ। मोबाइल फोटोग्राफीलाई अझै नयाँ स्तरमा पुर्याउने लक्ष्यका साथ, यस स्मार्टफोनमा हार्डवेयर सुधारदेखि लिएर Artificial Intelligence मा आधारित इमेज प्रोसेसिङसम्मका अत्याधुनिक प्रविधि समावेश गरिएको छ।
Pixel 10 Pro मा 50 मेगापिक्सेलको मुख्य क्यामेरा सेन्सर राखिएको छ, जसलाई ठूलो aperture र लाइटिङ् सम्हाल्ने क्षमतासहित अपडेट गरिएको छ। यसले कम लाइटिङ् मा समेत स्पष्ट र प्रष्ट तस्वीरखिच्न सक्ने बताइएको छ। साथै, नयाँ अल्ट्रावाइड र टेलिफोटो लेन्सका कारण प्रयोगकर्ताले तस्वीर खिच्दा प्रोफेसनल लेबलको अनुभव पाउने बताइएको छ।
कम्पनीका अनुसार, पिक्सेललाई अन्य फोनभन्दा फरक बनाउने पक्ष भनेको यसको AI-आधारित फोटोग्राफी हो। गुगलले हालका वर्षहरूमा आफ्ना स्मार्टफोनमा कम्प्युटेशनल फोटोग्राफीलाई प्राथमिकतामा राख्दै आएको छ। Pixel 10 Pro मा कम्पनीको नँया Gemini AI इमेज प्रोसेसिङ प्रणाली प्रयोग गरिएको छ, जसले तस्वीर खिच्ने बित्तिकै रंग, प्रकाश, छाया र विवरणलाई स्मार्ट तरिकाले मिलाइदिन्छ। यसका कारण प्रयोगकर्ताले फोटो मा धेरै समय खर्चिनुपर्ने छैन।
रिपोर्टका अनुसार, Pixel 10 Pro मा रहेका AI टुलहरूले अब तस्वीरभित्र अनावश्यक वस्तु हटाउने, अनुहारको डिटेल्स अझ स्पष्ट बनाउने, र भिडियो stability बलियो बनाउने सुविधा दिएका छन्। यसले मोबाइललाई मात्र फोन नभई, हाते क्यामेराको विकल्प बनाउँदै लैजाने सम्भावना रहेको छ।
नेपाली प्रयोगकर्ताका लागि यस्ता विशेषता अझै आकर्षक देखिन्छन्। नेपालमा Pixel स्मार्टफोन आधिकारिक रूपमा उपलब्ध नभए पनि, विभिन्न अनलाइन प्लेटफर्म वा वैकल्पिक बजारमार्फत धेरै युवाले यसलाई खरिद गर्दै आएका छन्। नेपालमा TikTok, Instagram र YouTube जस्ता प्लेटफर्ममा छोटकरी भिडियो र ब्लगिङ बढ्दो क्रममा रहेको अवस्थामा, Pixel 10 Pro को क्यामेरा क्षमताले कन्टेन्ट क्रियटरहरूलाई फाइदा हुने देखिन्छ।
यद्यपि, क्यामेराको आकर्षक फिचरसँगै केही चुनौती पनि देखिन्छ। AI ले फोटो सम्पादनलाई सहज बनाइदिए पनि, यथार्थ र कृत्रिम कुरा छुट्याउन कहिलेकाहीँ चुनौतीपूर्ण हुन सक्छ। यसले पत्रकारितामा नयाँ बहस जन्माउन सक्ने सम्भावना रहेको विशेषज्ञहरू बताउँछन्।
