काठमाडौं । सामसङ् (Samsung)ले सन्, २०२५ को सुरुवातमा सार्वजनिक गरेको को Family Hub स्मार्ट फ्रिज विवादमा तानिएको छ । एआइ प्रणाली जडित यो फ्रिज प्रयोगकर्ताको डाटा सुरक्षालाई लिएर विवादमा तानिएको हो । Euro Weekly News मा प्रकाशन भएको रिपोर्टअनुसार, यो फ्रिज खाना भण्डारण गर्ने यन्त्र मात्र नबहेर नभएर भित्री क्यामेराबाट सामानको इन्वेन्टरी ट्रयाकिङ (Inventory Tracking) गर्ने गरी डिजाइन गरिएको छ । फ्रिजभित्रको क्यामेराबाट कैद भएका सबै सामग्रीको लेबल र स्थिति (Labels and Status) क्लाउड (Cloud) सर्भरमा स्टोर हुने भएकोले सेवागत कार्यक्षेत्रभन्दा बाहिर व्यक्तिगत प्रयोगकर्ताको डाटा संचय हुनसक्ने सम्भावना रहेको हुनाले यसले डाटा सुरक्षालाई लिएर गम्भिर प्रश्न उठाएको छ ।
“Family Hub फ्रिजमा रहेको भ्वाइस कमाण्ड (Voice Command) प्रणालीले प्रयोगकर्ताको बोली र वातावरणीय आवाजसमेत सुनिन्छ । यसले प्रशासित फ्रिज–इन्भेन्टरी प्रणालीलाई अपडेट गर्नुका लागि आवाज डेटा सर्वरमा पठाउने प्राविधि (Technology) प्रयोग गर्ने हुँदा, व्यक्तिगत जानकारी सजिलै बाहिर जान सक्छ । थप रूपमा, फ्रिजले भित्रको क्यामेराबाट कब्जा गरिएका तस्वीरहरू (Images) निरन्तर सर्भरमा अपलोड गर्छ । यस्तो अवस्थामा ह्याकर अट्याक (Hacker Attack) वा तेस्रो पक्षले इजाजत बिना व्यक्तिगत जानकारी एक्सेस गर्ने जोखिम बढ्छ।” रिपोर्टमा उल्लेख छ ।
सामसङ्ले भने यस सन्धर्वमा यो फ्रिजको डिजाइनमा सुरक्षा मापदण्ड (Security Standards) लाई ध्यानमा राखिएको, र प्राइभेसी सेटिङ (Privacy Settings) मा परिवर्तन गरेर प्रयोगकर्ताले आफ्नो डेटा शेयरिङ नियन्त्रण गर्न सक्ने जनाएको छ । सामसङ्ले भ्वाइस कमाण्ड र क्यामेरा डेटा एन्क्रिप्शन (Encryption) विधिबाट सर्भरमा पठाइने स्विकार गर्दै यसलाई पूर्णतया सुरक्षित बनाउन अतिरिक्त सुरक्षा तह लागू गर्न आवश्यक पर्न सक्ने पनि जनाएको रिपोर्टमा उल्लेख छ ।
