काठमाडौं । बुधबार बसेको प्रतिनिधी सभा बैठकमा नेपालामा फेसबुक पेज मोनिटाइजेसन गरिनुपर्ने विषयले प्रवेश पाएको छ । प्रतिनिधिसभाको बैठकमा बोल्दै सांसद ज्ञानु बस्नेत सुबेदीले यस विषयमा माग गरेकी हुन् ।
नेपालमा फेसबुक पेज मोनिटाइजेशन सुबिधा उपलब्ध नहुँदा धेरै कन्टेन्ट क्रीएटरहरु मारमा परेको उनको भनाई रहेको छ । “नेपालमा अहिले फेसबुक पेज मोनिटाइजेसन सुबिधा नहुनाले हजारौँ कन्टेन्ट क्रीएटरहरु आर्थिक रुपमा प्रभावित भएका छन् । यसले रोजगार सिर्जना , उद्दमशिलता र अन्तर्राष्ट्रिय नेपाली कन्टेन्टको पहुँचमा बाधा पुर्याइरहेको छ । ” उनले भनिन्, ।
यसकारण सरकारले फेसबुकसँग समन्व्य गरेर मोनिटाइजेसन सुविधा उपलब्ध गराउनु पर्ने उनको माग रहेको छ । बस्नेतले यस विषयमा सरकारले तत्काल कुटनैतिक पहल गरोस भन्ने धारणा व्यक्त गरेकी छिन्, ।
