काठमाडौं। कृत्रिम बुद्धिमत्ता क्षेत्रको अग्रणी कम्पनी OpenAI आफ्नो नयाँ पुस्ताको AI मोडल ‘च्याटजीपीटी-५’ सार्वजनिक गरेको छ। कम्पनीका अनुसार यस संस्करणले तथ्यगत त्रुटि घटाउने, बढी व्यक्तिगत अनुभव दिने र प्रयोगकर्तासँग अझ सहज संवाद गर्ने क्षमता राख्दछ । । नयाँ मोडलमा थपिएका फिचरहरूले यसलाई अघिल्ला संस्करणहरूभन्दा धेरै सक्षम र प्रयोगमैत्री बनाएको कम्पनीको दाबी रहेको छ । यस लेखमा हामी ChatGpt5 का ५ प्रमुख फिचरहरुबारे जानकारी दिन गईरहेका छौँ ।
पहिलो, ‘VibeCoding ‘ नामक यस नयाँ फिचरले प्रयोगकर्ताले चाहेको लय, मूड वा शैली अनुसार उत्तर तयार गर्न सक्षम बनाएको छ। उदाहरणका लागि, प्रयोगकर्ताले गम्भीर, हल्का, रचनात्मक वा व्यावसायिक ढाँचामा जवाफ माग्न सक्छन्, र मोडलले त्यहीअनुसार टोन मिलाउँछ। यसले विशेषगरी सामग्री सिर्जना, विज्ञापन तथा कथा लेखनमा ठूलो उपयोगिता दिन सक्छ।
दोस्रो, ‘Personalities’ फिचरमार्फत प्रयोगकर्ताले कृत्रिम बुद्धिमत्तालाई निश्चित चरित्र वा व्यक्तित्व प्रदान गर्न सक्छन्। यसले लामो अवधिसम्म एउटै शैलीमा जवाफ दिने, विशेष विषयमा ध्यान केन्द्रित गर्ने वा विशिष्ट बोल्ने तरिका अपनाउने सुविधा दिन्छ। शैक्षिक, ग्राहक सेवा वा ब्रान्ड प्रतिनिधित्व जस्ता क्षेत्रमा यसको प्रयोग प्रभावकारी हुने अपेक्षा गरिएको छ।
तेस्रो, ‘(Agents)‘- GPT-5 ले अब स्वतन्त्र रूपमा कार्य योजना बनाउन, इन्टरनेटमा खोज गर्न, फाइलहरू विश्लेषण गर्न र जटिल कार्यहरू स्वतः सम्पन्न गर्न सक्ने क्षमता पाएको छ। यो फिचरले कृत्रिम बुद्धिमत्तालाई ‘डिजिटल सहायक’ भन्दा पनि ‘डिजिटल सहकर्मी’ मा रूपान्तरण गर्ने सम्भावना देखाएको छ।
चौथो, भ्रम ‘(Hallucination)’ कमी गर्ने सुधार – अघिल्ला मोडलहरूमा तथ्यगत त्रुटि प्रमुख समस्या थियो। GPT-5 ले तथ्य जाँच क्षमता सुधार्दै सन्दर्भको गहिरो विश्लेषणमार्फत गलत जानकारी दिने सम्भावना घटाएको छ। यसका लागि कम्पनीले प्रशिक्षण डेटा, भेरिफिकेसन मेकानिज्म र रियल-टाइम स्रोत जाँच प्रणालीमा उल्लेखनीय सुधार गरेको छ।
पाँचौँ, बहु-ढाँचा ‘(Multimodal)’ क्षमताको विस्तार -GPT-5 ले अब पाठ मात्र नभई चित्र, तालिका, अडियो र भिडियो इनपुटलाई पनि सहज रूपमा बुझ्न र त्यसअनुसार उत्तर दिन सक्छ। यसले शिक्षादेखि स्वास्थ्य, डिजाइनदेखि अनुसन्धानसम्मका क्षेत्रमा नयाँ अवसरहरू खोल्ने अपेक्षा गरिएको छ।
विशेषज्ञहरूका अनुसार यी फिचरहरूले विश्वव्यापी रूपमा कृत्रिम बुद्धिमत्ता प्रयोगको स्तर उचाल्ने छन्। नेपाली प्रयोगकर्ताका लागि पनि यसले शैक्षिक सामग्री, सरकारी सेवा स्वचालन, अनलाइन व्यापार र रचनात्मक उद्योगमा नयाँ सम्भावना ल्याउनेछ। तर, गोपनीयता, नियमन र जिम्मेवार प्रयोगका विषयमा सजग रहनुपर्ने आवश्यकता भने कायमनै रहेको जानकारवालाहरुले बताएका छन्।
