दाङ कृषि केन्द्रको वेबसाइट ह्याक, टेलिग्राम माथिको प्रतिवन्ध हटाउन चेतावनी !

काठमाडौं । लुम्बिनी प्रदेश सरकार अन्तर्गतको कृषि ज्ञान केन्द्र दाङको सरकारी वेबसाइट ह्याक  भएको छ । डिकु नामक ह्याकरले उक्त साइट ह्याक गरी टेलिग्राम माथिको प्रतिवन्ध हटाउने चेतावनी  दिएका हुन् । उक्त वेबसाइट आज दिउँसो  देखि ह्याक भएको बुझिएको छ भने हाल सम्म पनि उक्त वेबसाइट ह्याकरकै नियन्त्रणमा रहेको देख्न सकिन्छ ।

ज्ञान केन्द्रको वेबसाइटलाई एक्सेस गर्न खोज्दा हाल #UNNBAN TELEGRAM IN NEPAL लेखिएको चेतावनी देख्न सकिन्छ । सोही चेतावनिको तल ह्याकरले आफ्नो नाम डिकु रहेको पनि जनाएको देख्न सकिन्छ । ह्याकरले यसलाई  एक क्रान्तिको संज्ञा दिदै जनताको आवाजलाई रोक्न नसकिने समेत जनाएका छन् ।  कृषी ज्ञान केन्द्रको वेबसाइट बारे गुगल सर्च गर्दा पनि  ह्याकिङलाई साइबर चेतावनी को संज्ञा दिएको देख्न सकिन्छ । ” यो भ्रष्ट प्रणाली र अल्छी एडमिनको लागि साइबर चेतावनी हो । हामी कानुनलाई तोड्देनौ यसलाई दुरुपयोग गर्नेको भण्डाफोर गर्छौँ । ” ह्याकर समुहले लेखेका छन् ।