काठमाडौं । विश्व धनाड्य व्यक्ति तथा टेस्लाका संस्थापक एलन मस्कले अब छिट्टै टेस्लामा एआइ च्याट बट ग्रोक जडान गर्ने घोषणा गरेका छन् । मस्कले आफ्नै सामाजिक संजाल एक्स मार्फत यस्तो घोषणा गरेका हुन् । “ग्रोक टेस्ला गाडीहरूमा धेरै चाँडै आउँदैछ। धेरै ढिलोमा अर्को हप्तासम्म” एक्समा उनले लेखेका छन्।
हालै मात्र यहूदी-विरोधी र हिंसात्मक पोस्टहरू फैलाएको भन्दै विवादमा आएको ग्रोकलाई टेस्लामा जडान गर्ने मस्कको घोषणा हाल विश्वभर चर्चाको विषय बनेको छ ।
ग्रोक टेस्ला गाडीहरूमा कसरी प्रयोग गरिनेछ भन्नेबारे हाल जानकारी नभए पनि, केही ‘सुपरफ्यान’हरूले यसलाई भ्वाइस कमाण्डलाई अझ राम्रो बनाउन र पर्सनलाईज्ड अनुभुती प्रदान गर्न यसको प्रयोग हुन सक्ने अनुमान गरेका छन् । मस्कको आर्टिफिसियल इन्टेलिजेन्स कम्पनी xAI ले ग्रोकको पछिल्लो संस्करण, ग्रोक ४, बुधबार सार्वजनिक गरेको थियो।
कम्पनीले यसलाई “विश्वको सबैभन्दा स्मार्ट एआई” र “विश्वको सबैभन्दा शक्तिशाली एआई सहायक” भनेर दाबी गरेको छ। ग्रोक हाल मस्कले सन् २०२२ मा अधिग्रहण गरेको सामाजिक सञ्जाल प्लेटफर्म एक्समा उपलब्ध छ। xAI ले यसको बोट शैक्षिक परीक्षणहरूमा, विशेष गरी गणित, विज्ञान र भाषाविज्ञान सम्बन्धी प्रश्नहरूमा अविश्वसनीय रूपमा निपुण रहेको दाबी गर्दै आएको छ । यधप्पी ग्रोक पछिल्लो समय एडोल्फ हिटलरको प्रशंसा गर्ने , यहूदी-विरोधी घृणा फैलाउने र “निश्चित थर” भएका मानिसहरूलाई उनीहरूको अधिकारबाट वञ्चित गरी समाप्त गर्नुपर्ने लगायतका अभिव्यक्तिका कारण विवादमा तानिएको थियो ।
मार्क जुकरवर्गको “टेक माइन्ड” शपिङ , २५०० करोडमा तिरेर ल्याए यि इन्जिनियर !
उनी हामी साधरण मान्छेको जस्तो कपडा , तरकारी जस्ता कुराहरुको शपिङमा निस्केका होइनन् ।
