काठमाडौं। एलन मस्कको AI कम्पनी xAI ले अमेरिकी अदालतमा Apple र OpenAI विरुद्ध मुद्दा दायर गरेको छ। कम्पनीले आफ्नो च्याटबोट ‘Grok’ लाई मोबाइल एप्सको शीर्ष स्थानमा ल्याउन बाधा पुर्याइएको आरोप लगाएको हो।
अन्तर्राष्ट्रिय मिडियाका अनुसार, मुद्दामा Apple को App Store नीतिहरूले अन्य प्रतिस्पर्धीलाई असमान रूपमा प्रभाव पार्ने तथा OpenAI को ChatGPT लाई प्राथमिकता दिने व्यवहार देखाइएको दाबी गरिएको छ। xAI ले दायर गरेको मुद्दामा, ChatGPT लाई iPhone मा इन्टिग्रेट गर्नु , आफ्नो मोनोपोली कायम राख्ने रणनीति रहेको, र आरु नँया कम्पनीहरुलाई प्रतिस्पर्धा गर्न नदिएको आरोप लगाइएको छ। र यस रणनीतिले उपभोक्तालाई आरु विकल्प रोज्ने चोइस नै नछोडी एउटै AI प्ल्याटफर्ममा सीमित राखेको बताइएको छ।
xAI ले हालसालै आफ्नो AI च्याटबोट ‘Grok’ सार्वजनिक गरेको थियो, जसलाई X (पहिलेको Twitter) प्लेटफर्ममा एकीकृत गरिएको छ। तर, मोबाइल एप्सको डाउनलोड चार्टमा Grok अग्रपंक्तिमा आउन नसकेको भन्दै मस्कले असन्तुष्टि जनाएका थिए। Grok प्रयोगकर्तामाझ लोकप्रिय बन्न थालेपनि App Store मा यसको वृद्धि दर (growth rate) अपेक्षाअनुसार नभएको आरोप लगाइएको छ।
यो मुद्दा प्रविधि इन्ड्सट्रीमा बढ्दो प्रतिस्पर्धालाई झल्काउने घटनाका रूपमा लिइएको छ। एकातिर Apple ले आफ्नो प्लेटफर्ममा एप्स कसरी प्रस्तुत गर्ने भन्ने नीतिमा कडा नियन्त्रण गर्ने गरेको छ भने अर्कोतिर OpenAI, Microsoft जस्ता ठूला कम्पनीहरूसँगको सहकार्यका कारण बजारमा आफ्नो स्थान बलियो बनाइरहेको छ।
आगामी दिनहरुमा, Grok र ChatGPT बीचको प्रतिस्पर्धा अझ चर्किन सक्ने अनुमान गरिएको छ। यदि मस्कले कानुनी जीत हात पारे, आरु AI च्याटबोटहरूले पनि एप स्टोरमा अझ बढी स्वतन्त्र पहुँच पाउने सम्भावना छ। तर, हार भएमा OpenAI र Apple जस्ता ठूला कम्पनीहरूको बजार नियन्त्रण अझै बलियो हुने देखिन्छ।
