काठमाडौं। लोकप्रिय सामाजिक सञ्जाल फेसबुक र इन्स्टाग्राममा प्रयोगकर्ताले अब रील्सका भिडियोहरूमा प्रत्यक्ष अनुवाद सुविधा पाउने भएका छन्। यो सुविधाले कन्टेनट क्रियटरहरुको सामग्रीलाई अन्य भाषा बोल्ने र नयाँ दर्शकसम्म पुग्न मद्दत गर्ने विश्वास लिइएको छ।
हालका लागि यो सुविधा English बाट Spanish र Spanish बाट English भाषामा मात्र उपलब्ध छ। प्रयोगकर्ताले यो सुविधाको प्रयोग गर्न रील प्रकाशित गर्नु अघि देखिने मेनुमा रहेको “Translate voices with Meta AI” विकल्प चयन गर्न सक्नेछन्। साथै, Meta ले डब गरिएको भिडियोमा लिप-सिंक (lip-sync) थप्ने र प्रकाशन अघि रिभ्यु गर्ने सुविधा पनि प्रदान गरेको छ। अन्तरास्ट्रिय मिडियाहरुका अनुसार , Meta को दीर्घकालीन लक्ष्य विश्वका करिब सबै लोकप्रिय भाषामा यो सेवा विस्तार गर्नु रहेको छ।
फेसबुक र इन्स्टाग्रामले अनुवाद गरिएका रील भिडियोमा Meta AI प्रयोग गरी अनुवाद गरिएको भन्ने पनि देखिनेछ।
यो सुविधा हाल फेसबुकमा कम्तीमा १,००० फलोअर्स भएका क्रिएटर्स र सबै सार्वजनिक इन्स्टाग्राम खाताहरूमा क्रमशः उपलब्ध भइरहेको जानकारी दिईएको छ।
हाल Meta ले नेपालीलाई प्राथमिक भाषामा समावेश नगरेकाले, नेपाली प्रयोगकर्ताले अन्य भाषाका सामग्री हेर्न पाउनेछन्, तर आफ्नो भाषामा अनुवाद सुविधा कहिले आउने हो भन्ने अझै स्पष्ट छैन।
