काठमाडौँ। बुवाको मुख हेर्ने दिन नजिकिँदै गर्दा आफ्नो बुवालाई उपहार के दिने भन्ने सोचिरहनुभएको छ ? यसपालि उपयोगी र आधुनिक विकल्प खोज्दै हुनुहुन्छ भने स्मार्ट वाच उत्कृष्ट विकल्प हुन सक्छ। स्वास्थ्य मापनदेखि फिटनेस ट्र्याकिङ र स्मार्ट नोटिफिकेशनसम्मका सुविधा प्रदान गर्ने यी घडीहरूले दैनिक जीवनलाई सजिलो मात्र होइन, स्टाइलिश पनि बनाउँछन्। यहाँ हामीले ४,००० रुपैयाँको हाराहारीमा उपलब्ध ४ वटा लोकप्रिय स्मार्ट वाचहरू प्रस्तुत गरेका छौँ, जसबाट तपाईं आफ्नो बुवाका लागि उपयुक्त उपहार छान्न सक्नुहुनेछ।
Redmi Watch 5 Active
Redmi Watch 5 Active मा ठूलो २.० इन्च LCD स्क्रिन रहेको छ। यसमा IPX8 वाटर रेजिस्टेन्स भएकोले पसिना वा हल्का पानीमा पनि बिग्रिने डर हुँदैन। एकपटकको पूर्ण चार्जले करिब १८ दिनसम्म ब्याट्री टिक्ने भएकाले पटक-पटक चार्ज गर्ने झन्झट पनि हुँदैन। साथै, यसमा १५० भन्दा बढी स्पोर्ट्स मोड उपलब्ध छन्, जसले तपाईको बुवालाई बोर हुन दिदैन।
Ultima Watch Circle 2.0
आधुनिक प्रविधि मन पराउने बाबुका लागि Ultima Watch Circle 2.0 उपयुक्त उपहार हुन सक्छ। १.४३ इन्च AMOLED स्क्रिनले यसलाई अझ स्मार्ट बनाउँछ। ChatGPT 3.5 AI सहायक जस्ता सुविधा यसमा छन्, जसले दैनिक रिमाइन्डर, शेड्युल चेक जस्ता कामलाई सजिलो बनाउँछ। साथै, यसमा वायरलेस चार्जिङको सुविधा पनि रहेको छ, जसले चार्ज गर्ने प्रक्रिया अझ सहज बनाउँछ। IP68 वाटर रेजिस्टेन्स भएको यस स्मार्ट वाचले पसिना वा हल्का पानीमा पनि बिग्रिने डर हुँदैन।
Zeblaze Vibe 7 Lite
बुवाले घडी धुलो वा पानीमा परेर बिगार्नु पो हुने हो कि भन्ने डर छ भने Zeblaze Vibe 7 Lite उपयुक्त विकल्प हुन सक्छ। यसको Gorilla Glass ले डिस्प्लेलाई सुरक्षित बनाउँछ भने IP69K स्तरको वाटर र धुलो प्रतिरोध क्षमताले यसलाई अत्यन्तै टिकाउ बनाउँछ। साथै, करिब १४ दिनसम्म टिक्ने ब्याट्री जीवनले लामो समयसम्म सजिलै प्रयोग गर्न सकिने सुविधा प्रदान गर्छ।
Haylou Solar LS05
Haylou Solar LS05 मा गोलाकार TFT डिस्प्ले रहेको छ। IP68 वाटरप्रुफ क्षमतासहित यसमा करिब १५ दिन लामो ब्याट्री लाइफ छ। साथै, मेटल एल्युमिनियम बडीले बनेको यस स्मार्ट वाचले तपाईको बुवालाई कमफरटेबल एक्सपिरियन्स दिन सक्छ।
यी स्मार्टवाचहरूले बुबाको स्वास्थ्य, व्यायाम र दैनिक कामकाज सजिलो बनाउँछन्। यस मुख हेर्ने दिन, आधुनिक र उपयोगी उपहार दिँदै आफ्नो माया देखाउन यी स्मार्टवाच उत्कृष्ट विकल्प बन्न सक्छन।
