काठमाडौं। गूगलले आफ्नो नयाँ इमेज एडिटिङ्ग टुल ‘Nano Banana’ सार्वजनिक गरेको छ। यस टुलमार्फत प्रयोगकर्ताले फोटोबाट अनावश्यक वस्तु हटाउन र नयाँ दृश्य वा तत्व थप्न सक्ने बताइएको छ।
यो टुल गुगलको शक्तिशाली ‘जेमिनाई २.५ फ्ल्याश’ मोडेलमा आधारित छ । यसले फोटोको लाइट मिलाउने, ब्याकग्राउन्ड हटाउने, अनुहार चम्किलो बनाउने वा फोटोमा नभएको कुनै वस्तु थप्ने जस्ता काम गर्न सक्छ। उदाहरणका लागि, यदि फोटोमा आफूले लगाएको कपडाको रंग कालो रंगमा बदल्न मन छ भने, ‘नानो बनाना’लाई यो कपडा कालो रंगको बनाउन निर्देशन दिन सकिन्छ ।
‘Nano Banana’ कसरी प्रयोग गर्ने ?
१. gemini.google.com मा गएर च्याटबक्सको माथि पट्टि रहेको ‘Try nano banana’ अप्सन क्लिक गर्नु होस्। यदि माथि nano banana को अप्सन देखिएको छैन भने तल च्याटबक्समा रहेको ‘टुल’ आइकन छान्नुहोस् । र, त्यसमा रहेको (Create Images) को अप्सन क्लिक गर्नु होस्।
२. त्यसपछि एडिट गर्न मन भएको फोटो अपलोड गर्नु होस्। कस्तो एडिट गर्न चाहनु भएको हो, सोहि अनुसारको प्रम्प्ट लेख्नुहोस्।
३. सेन्ड आइकन क्लिक गर्नुहोस्।
४. तपाईले एडिटेड फोटो केहि सेकेन्डमै पाउन सक्नु हुन्छ।
Google को यस ‘Nano Banana’ फिचरले फोनबाटै पनि सजिलै, केहि मिहिनेत नगरिकन, फोटो एडिट गर्न सम्भव बनाएको छ। यस कारण ‘Nano Banana’ फिचरले फोटोसप र क्यानभा जस्ता स्थापित फोटो एडिटिङ प्ल्याटफर्मलाई पनि टक्कर दिन सक्ने सम्भावना रहेको छ।
