किराना पसल खोलेर कृप्टोको धन्दामा, २ भारतीय परे प्रहरीको  फन्दामा !

काठमाडौं । किराना पसलको आवरणमा अवैध  कृप्टो करेन्सी  तथा हुण्डी को कारोबारमा संलग दुई भारतीय  नागरिकहरु पक्राउ परेका छन् । नेपाल प्रहरीको केन्द्रीय अनुसन्धान ब्यूरो (सीआईबी) ले १ अर्ब ५० करोड भन्दा बढी गैरकानुनी क्रिप्टो कारोबार गरेको आरोपमा उनीहरुलाई ललितपुरको सानेपाबाट पक्राउ गरेको हो ।पक्राउ पर्नेमा  भारतको विहारस्थित मोतिहारीका ४३ वर्षीय रुपेश कुमार गुप्ता र विहारकै पूर्वी चम्पारण बिजबानीका २२ वर्षीय बिपिन कुमार रहेका छन् ।
सीआईबीका अनुसार उनीहरुले सानेपामा राजतिर्थ ट्रेडर्स नामको किराना पसलको आवरणमा गैरकानुनी हुण्डी तथा अभौतिक मुद्रा (क्रिप्टो करेन्सी) कारोबार गरिरहेको पाइएको छ । उनीहरुको साथबाट प्रहरीले ८ लाख २० हजार नेपाली रुपैयाँ , भारु १० हजार , एकथान सीसीटीभी डिभिआर र संरक्षित बन्यजन्तु कस्तुरीको विना जस्तै देखिने वस्तु समेत बरामद गरेको छ ।