११-१२ पढ्न छात्रवृत्ति दिँदै काठमाडौं महानगर, कसरी दिने अनलाइन आवेदन ? को – को छन्, योग्य ?

काठमाडौं । काठमाडौँ महानगरपालिकाले शैक्षिक सत्र २०८२०८३ का लागि आफ्नो क्षेत्रभित्रका संस्थागत विद्यालयहरूमा कक्षा ११ र १२ मा अध्ययन गर्न चाहने विद्यार्थीहरूका लागि छात्रवृत्ति खुलाएको छ । महानगरका अनुसार परीक्षा प्रणालीमार्फत छात्रवृत्ति उपलब्ध गराइने छ । यसका लागि इच्छुक विद्यार्थीहरूले १८ असारदेखि २७ असारसम्म अनलाइन आवेदन फाराम भर्न सक्नेछन् । छात्रवृत्तिका लागि प्रवेश परीक्षा भने आगामी ३ साउन बिहान ८ बजेदेखि १० बजेसम्म तोकिएको छ । परीक्षामा माध्यमिक तह कक्षा १० को पाठ्यक्रममा आधारित १०० वटा वस्तुगत बहुवैकल्पिक प्रश्नहरू सोधिने जनाइएको छ । विध्यार्थी तथा अभिवावका हरु ले https://entrance.kathmandu.gov.np/ मा गेर अनलाइन आवेदन दिन सक्नेछन्, । छात्रवृत्ति परिक्षाको लागि निजी तथा सरकारी दुबै विध्यालयका विध्यार्थी योग्य रहने काठमाडौं महानगरका सुचना अधिकारी नुरनिधी न्यौपानेले टेकमाकुरालाई बताए ।