फेसबुकबाट प्रचण्डलाई ओलीको कटाक्ष :  प्यारापिट र फ्लडलाइट हेर्न कीर्तिपुरको जानुस् !

काठमाडौं । प्रधानमन्त्री खड्ग प्रसाद ओलीले सामाजिक संजाल मार्फत नेकपा  माओवादी  का अधक्ष्य पुष्प कमल  दहाल उर्फ प्रचण्डलाई कटाक्ष  गरेका छन्, । सोमबारको संसद बैठकलाई विशेष सम्बोधन गर्दै  माओवादी अधक्ष्य प्रचण्डले  कीर्तिपुरस्थित अन्तर्राष्ट्रिय क्रिकेट रंगशालाको निर्माण कार्यप्रति सरकारको गम्भीर उदासिनता र असफलता देखिएको टिप्पणी गर्दै वर्तमान सरकारले   ३०० दिनभित्र फ्लडलाइट र प्याराफिटसहितको अन्तर्राष्ट्रिय रंगशाला निर्माण सम्पन्न गर्ने घोषणा गरेपनि ३६५ दिन सम्म पनि उक्त काम हुन नसकेको जनाएका थिए । प्रचण्डको सोही  टिप्पणीलाई लक्षित गर्दै ओलीले फेसबुक मार्फत प्रचण्डलाई प्यारापिट र फ्लडलाइटका पोल हेर्न कीर्तिपुरको जानुस्,  भन्दै कटाक्ष गरेका हुन्, ।
“प्रचण्ड प्रधानमन्त्री हुँदा वाचा, संकल्प काम केहि नगरेको तर आफुले भने समय तोकेरनै काम गर्छु भनेको ओलीको भनाई रहेको छ । “पूर्व प्रधानमन्त्री पुष्पकमल दाहालजीले आज प्रश्न सोध्नु भएछ– कीर्तिपुरको मैदानमा खोई फ्लडलाइट ? खोई प्यारापिट ?मेरो उहाँलाई आग्रह छ, बनिरहेको प्यारापिट हेर्न जानुस्, जडान हुँदै गरेको फ्लडलाइटका पोल हेर्न जानुस् । बनिरहेको छ ।”  उनी अगाडि थप्छन्, “तपाईं प्रधानमन्त्री हुँदा कुनै पनि कामलाई टाइमलाइन तोकेर गर्छु भन्नु भएन र तपाईंले केही गर्नु पनि परेन र गर्नु पनि भएन । सरकारको कामबारे तथ्यतथ्यांक राखेर तपाईंले प्रधानमन्त्रीको रुपमा जवाफ पनि दिनु परेन। तपाईंका त न कुनै वाचा, न कुनै निर्णय, न कुनै संकल्प, न कुनै काम । मैले त दिन तोकेर गर्छु भनें, आफैंमाथि प्रश्न आह्वान गरें र काम पनि गरें । तपाईंले जर्जर छोडेको अर्थतन्त्र अहिले कहाँ पुग्यो, तथ्याङ्क हेर्नुस् भन्ने सुझाव दिन चाहन्छु ।”