काठमाडौं। Google ले गत बुधबार आयोजना गरेको वार्षिक कार्यक्रम ‘Made by Google 2025’ मा यस वर्षका सबैभन्दा प्रतिक्षित उत्पादनहरू सार्वजनिक गरेको छ। तीमध्ये, नयाँ Pixel 10 series, Pixel 10 Pro Fold, Pixel Watch 4 र Pixel Buds मुख्य आकर्षण बनेका छन्। यी सबै डिभाइसमा कम्पनीले आफ्नै Tensor G5 चिप र Gemini AI लाई deeply integrate गरेको छ, जसले प्रयोगकर्ताको अनुभवलाई अझ स्मार्ट र सहज बनाउने लक्ष्य राखेको बताइएको छ।
Pixel 10 series
गूगलले तीन फोन मोडेलहरु, Pixel 10, Pixel 10 Pro र Pixel 10 Pro XL सार्वजनिक गरेको थियो। Pixel 10 मा 6.3-इन्च Actua OLED डिस्प्ले, ट्रिपल-क्यामेरा सेटअप (५०MP वाइड, ४८MP अल्ट्रा-वाइड र ४८MP टेलिफोटो) र Qi2 म्याग्नेटिक चार्जिङ जस्ता सुविधाहरू रहेको कम्पनीले बताएको छ। र Extreme Battery Saver मोडमा 100 घण्टासम्म चार्ज टिक्न सक्ने पनि बताइएको छ।
Pixel 10 Pro ले 6.3-इन्च Super Actua OLED डिस्प्ले र Pro Res Zoom मार्फत 8K भिडियो रेकर्डिङको सुविधा ल्याएको छ। यसमा 50MP को मुख्य क्यामेरा, 64MP टेलिफोटो (5x अप्टिकल जुम) र 48MP अल्ट्रा-वाइड क्यामेरा प्रयोग गरिएको छ।
सबैभन्दा ठूलो Pixel 10 Pro XL मा 6.8-इन्च Super Actua OLED डिस्प्ले, उच्च ब्राइटनेस र HDR सुधार, साथै उन्नत कम्प्युटेशनल फोटोग्राफी क्षमताहरू रहेका छन्। यसमा 8K 60fps भिडियो रेकर्डिङ समेत सम्भव रहेको भनिएको छ।
यस वर्षको अर्को प्रमुख आकर्षण Pixel 10 Pro Fold हो, जुन गूगलको अहिलेसम्मकै शक्तिशाली Foldable फोन मानिन्छ। यसमा 8-इन्च Super Actua Flex फोल्डेबल डिस्प्ले र 6.3-इन्च बाहिरी OLED स्क्रिन छ। IP68 धूलो र पानी प्रतिरोध, मल्टी-टास्किङ फोल्डेबल मोड, र Tensor G5 चिपले यसलाई Samsung Galaxy Fold लाई टक्कर दिने स्तरमा पुर्याएको छ। क्यामेरा सेटअप पनि Pixel 10 Pro मा जस्तै शक्तिशाली राखिएको छ।
Pixel Watch 4
नयाँ Pixel Watch 4, दुई फरक साइज (41mm र 45mm) मा उपलब्ध छ। Wear OS 6 मा आधारित यस घडीमा Gemini AI को सहयोगले हेल्थ ट्र्याकिङ अझै accurate भएको बताइएको छ। यसले हर्ट बिट, ECG, ब्लड अक्सिजन मापनदेखि लिएर स्लीप ट्र्याकिङसम्मका सुविधाहरूदिने बताइएको छ। LTE र Wi-Fi भेरियन्ट दुवैमा उपलब्ध यस Pixel Watch 4 लाई दिनभर सहजै प्रयोग गर्न सकिने भनिएको छ।
Pixel Buds 2a र Pixel Buds Pro 2
गूगलले मध्यम वर्गीय ग्राहकलाई लक्षित गर्दै सस्तो मूल्यमा Pixel Buds 2a सार्वजनिक गरेको छ। कम्पनीका अनुसार, हलुका डिजाइन, Active Noise Cancellation (ANC), Transparency Mode, र Gemini AI सहायतासहित रियल-टाइम अनुवाद यसका मुख्य फिचर रहेका छन्।
यसैसँगै Pixel Buds Pro 2 पनि ल्याइएको छ, जसमा Adaptive Audio, उन्नत ANC, Spatial Audio Support र Gesture Control सुविधा रहेका छन्। प्रिमियम सेग्मेन्टलाई लक्षित यो इयरबड्समा लामो ब्याट्री लाइफ र Google Assistant सँग deep integration रहेको बताइएको छ।
‘Made by Google 2025’ कार्यक्रमले टेक प्रेमीहरूका लागि वर्षकै रोमाञ्चक क्षण सिर्जना गरेको छ। Pixel 10 series, Foldable फोन, स्मार्टवाच र Buds सबैमा AI र नयाँ चिपको संयोजनले प्रयोगकर्तालाई अझ स्मार्ट, सहज र प्रभावशाली अनुभव दिने लक्ष्य राखेको छ।
