काठमाडौं । एमाले सामाजिक संजालबाट सुरु गरेको म झोले हो अभियानको भारतीय प्रधानमन्त्री नरेन्द्र मोदिले सन्, २०१९ मा सुरु गरेको “मे भि चौकिदार ” (म पनि गेट पाले ) अभियानसँग तुलना सुरु भएको छ । पार्टीको झोला मात्र बोक्ने अवस्था परिवर्तन गर्नमा खास्सै ध्यान नदिने हरुलाई खासगरी ‘झोले’ भनेर खिस्सिट्याउरी गर्ने परिपाटी विरुद्द झोले शब्दको सकरात्मक ब्राण्डिङ उदेश्यले सुरु गरिएको यो अभियान नै पनि नक्कली रहेको भन्दै हाल सामाजिक संजालमा टिप्पणी सुरु भएको हो ।
भारतीय प्रधानमन्त्री नरेन्द्र मोदीले २०१९ को आमनिर्वाचनअघि यो अभियान सुरु गरेका थिए । विशेषगरी विपक्षी नेताहरू र त्यसमा पनि राहुल गान्धीले “चौकीदार चोर है” भन्दै मोदीलाई भ्रष्टाचारको आरोप लगाउँदै आलोचना सुरु गरेपछि चौकिदार शब्दको सकरात्मक ब्राण्डिङको लागि मोदी र भाजपाले यो ब्राण्डिङ सुरु गरेका थिए । यता एमालेले पनि सामाजिक सञ्जालमा अन्धसमर्थकहरूलाई “झोले” भनेर व्यंग्य गर्न थालिए पछि झोले शब्दको सकरात्मक ब्राण्डिङको लागि यो अभियान सुरु गरेको सहज अनुमान गर्न सकिन्छ । सन्, २०१९ मा मोदी सहित अन्य भाजपा नेताहरुले प्रयोग गरेको पोस्टर डिजाइनिङ शैली र एमालेले प्रयोग गरेको पोस्टर डिजाइनिङ शैलिमा पनि केहि समानता देखिन्छ ।
