काठमाडौं । नबिल बैंकको नाममा नक्कली सामाजिक संजाल तथा वेबसाइटहरु खडा गरी उपोभोक्ता झुक्याउने प्रयास भइरहेको भन्दै बैंकले सुचना जारी गरेको छ ।
सामाजिक सञ्जाल र नक्कली वेबसाइटहरु मार्फत नबिल बैंकको नाममा उपहार जितेको वा आर्थिक लाभ हुने भनी झुटा आश्वासन दिने भ्रामक सूचना फैलाइरहेको सुचनामा उल्लेख छ ।
बैंकका अनुसार, यस्ता गतिविधिहरू ठगी वा फिसिङ (scam/phishing) को उद्देश्यले गरिएका हुन्। यसले आम उपभोक्तालाई भ्रममा पार्न सक्ने भएकाले यस्ता वेबसाइटहरू वा सूचनामा विश्वास नगर्न बैंकले अनुरोध गरेको छ ।
बैंकले आफ्नो आधिकारिक वेबसाइट www.nabilbank.com र nbank.nabilbank.com बाहेक अन्य वेबसाइट वा माध्यमहरूबाट आएको जानकारीप्रति सचेत रहन भनेको छ।
यस्ता घटनासम्बन्धी थप जानकारी वा शंकास्पद गतिविधिबारे जानकारी भएमा, नबिल बैंकको ग्राहक सेवा केन्द्र ०१-५९७००५५ वा [email protected] मा सम्पर्क गरिदिन समेत बैंकले सुचना मार्फत अनुरोध गरेको छ ।
