काठमाडौं। नेपाल टुरिजम बोर्ड (NTB) ले नेपालको पर्यटन प्रवर्द्धन गर्न TikTok सँग सहकार्य गर्न लागेको छ। बोर्ड र TikTok को सिंगापुर कार्यालयबीच आज सम्झौता पत्र (MoU) साइन हुने बताइएको छ।
सम्झौतापछि, नेपाल पर्यटन बोर्डले आफ्नो प्रमोसनल कन्टेनट TikTok मा अपलोड गर्ने र उक्त सामग्री ८० देशमा TikTok को फिडमार्फत वितरण हुने बताइएको छ। NTB का Tourism Marketing and Promotion Department का सिनियर म्यानेजर, सुमन घिमिरेका अनुसार, यस पहलले नेपालको सुन्दरता, विविधता र इतिहासलाई विश्वसमू चिनाउने छ।
समाचारका अनुसार, स्थानीय कन्टेन्ट क्रियटर्सका लागि २–३ वटा वर्कशप आयोजना गरी उनीहरूको क्षमता अभिवृद्धि र साना तालिम दिने कार्यक्रम पनि रहेको छ। त्यसैगरी, TikTok का ग्लोबल CEO Shou Zi Chew यस नोभेम्बरमा नेपाल भ्रमण गर्ने कार्यक्रम रहेको र प्रधानमन्त्री केपी शर्मा ओलीसँग भेट गर्ने योजना रहेको पनि बताइएको छ।
विशेषज्ञहरूले NTB र TikTok को सहकार्यले नेपालको पर्यटनलाई अन्तर्राष्ट्रिय स्तरमा प्रवर्द्धन गर्ने, सामाजिक सञ्जालमार्फत नयाँ पुस्तामा पर्यटनप्रति आकर्षण बढाउने र पर्यटन वृद्धिद्वारा स्थानिय व्यवसाय र रोजगारीको अवसर सिर्जना गर्ने विश्वास व्यक्त गरेका छन्। यस सहकार्यले नेपालको पर्यटन उद्योगलाई नयाँ दिशा र गति प्रदान गर्ने अपेक्षा गरिएको छ।
