नेपाली विध्यार्थीहरुले बनाएको उपग्रह अन्तरिक्ष उडानको लागि छनौट

काठमाडौं । विश्वभरका १५ वटा देश बाट प्राप्त १७ वटा पर्पोजल मध्यबाट नेपाली विध्यार्थी हरुले बनाएको Slippers2Sat-2 नामक उपग्रह अन्तरिक्ष उडानको लागि छनौट भएको छ । United Nations Office for Outer Space Affairs (UNOOSA) र Exolaunch GmbH (Exolaunch) को संयुक्त आयोजनामा संचालन हुने “Access to Space for All” कार्यक्रम मार्फत नेपाल , बोलेभिया, जोर्डन र गोटेमालाका उपग्रहहरु अन्तरिक्ष उडानका लागि छनौट भएका हुन्, । नेपाली विध्यार्थी द्वारा निर्मित Slippers2Sat-2 एक यस्तो उपग्रह हो जुन विपद् अवलोकन र व्यवस्थापनका लागि डिजाइन गरिएको हो । यसलाई बाढीको निगरानी गर्ने र भूकम्पका पूर्वसंकेतहरू पत्ता लगाउने काममा प्रयोग गरिनेछ। यस परियोजनाले सीमान्तकृत समुदायका विद्यार्थीहरूलाई अन्तरिक्ष विज्ञानमा परिचय गराउने उद्देश्य राखिएको छ । नेपालको पहिलो विद्यार्थी उपग्रहको सफलतामा आधारित यो अभियानले आफ्ना डिजाइनहरू र डेटा खुला रूपमा साझा गर्ने पनि जनाइएको छ , जसले सबैका लागि अन्तरिक्ष अन्वेषणमा समान अवसर सुनिश्चित गर्न मद्दत पुर्‍याउने आशा गरिएको छ । यस उपग्रहलाई अन्तरिक्ष प्रतिष्ठान नेपालले Launch गर्ने छ ।