काठमाडौँ। दक्षिण कोरियाली वैज्ञानिकहरूले कालोण (Colon) क्यान्सर कोषहरू (cells) लाई स्वस्थ कोषमा पुनर्स्थापित गर्न सक्ने विधि पत्ता लगाएका छन्।
दक्षिण कोरियाको KAIST का अनुसन्धानकर्ताहरूले कालोण क्यान्सर कोषहरूलाई सामान्य र स्वस्थ कोषमा पुनर्स्थापित गर्ने नयाँ विधि पत्ता लगाएका हुन्। परम्परागत क्यान्सर उपचारमा क्यान्सर कोष नष्ट गर्दा स्वस्थ कोष पनि नाश हुने गर्छन्। तर यस अनुसन्धानमा वैज्ञानिकहरूले key molecular “switches” पहिचान गरेका छन्, जसले कोष स्वस्थ रहन्छ वा क्यान्सरमा परिणत हुन्छ भन्ने नियन्त्रण गर्छ। र कोष नाश नगरिकन पुनर्स्थापित गरिन्छ।
अन्तरास्ट्रिय सञ्चार माध्यमहरुका अनुसार, ल्याब र मुसामा यी switches परिक्षण गर्दा, अनुसन्धानकर्ताहरूले सफलतापूर्वक क्यान्सर कोषलाई नर्मल फंसनमा फर्काउन सके। BENEIN (Boolean Network Inference) नामक कम्प्युटर प्रणालीको प्रयोग गरेर, KAIST का अनुसन्धानकर्ताहरूले कालोण क्यान्सरका कोषहरूको जेनेटिक प्रणाली (genetic circuitry) म्याप गरेर तिनीहरूलाई सामान्य कोषजस्तो व्यवहार गर्न ‘reprogram’ गर्न सफल भएका छन्। Advanced Science जर्नलमा प्रकाशित यो क्रान्तिकारी अनुसन्धानले कडा chemotherapy र radiation बिना नै क्यान्सरको उपचार सम्भव हुने आशा देखाएको छ।
हालका क्यान्सर उपचारले क्यान्सरका कोषहरू नास गर्दा स्वस्थ कोषहरू पनि नष्ट गर्ने भएकाले गम्भीर साइड इफेक्टहरू देखिन्छन्। तर यस नयाँ विधिले कोषको प्राकृतिक व्यवहार पुनःस्थापित गर्नमा केन्द्रित भएको हुँदा, यो कम हानिकारक तर अत्यन्त प्रभावकारी विकल्पको रूपमा देखिन्छ।
अहिले यो अनुसन्धान प्रारम्भिक चरणमा भए तापनि, यसले भविष्यमा क्यान्सर उपचारको सम्पूर्ण दृष्टिकोण बदल्ने सम्भावना देखाएको छ। मानव परीक्षणमा सफल भएमा, यो विधिले क्यान्सर उपचारमा नँया क्रान्ति ल्याउने सम्भावना बोकेको छ।
