काठमाडौं । अमेरिकाको न्यूयोर्कस्थित म्यानह्याटनको मिडटाउनमा भएको गोलीकाण्डका प्रमुख आरोपी को तस्विर सार्वजनिक भएको छ । घटनास्थलको नजिक रहेको सर्भिलियन्स क्यामरामा कैद भएको फुटेज मार्फत उनको तस्विर सार्वजनिक भएको हो । हाल सो तस्विर सामाजिक संजालहरुमा समेत भाइरल भएको छ । सोमबार साँझ भएको उक्त गोली प्रकरणमा एक न्युयोर्क प्रहरी अधिकृत सहित चार जनाको ज्यान गएको छ ।
सार्वजनिक तस्विरमा आरोपित लामो बन्दुक बोकेर भवनभित्र छिर्दै गरेको देखिन्छ । प्रतक्षदर्शिलाई उध्रदत गर्दै अन्तर्राष्ट्रिय सञ्चारमाध्यमहरुले जनाए अनुसार भवन भित्र छिर्दा बित्तिकै उनले अन्धाधुन्द गोली चलाउन सुरु गरेका थिए । सुरुमा उनले न्यूयोर्क पुलिसका एक अधिकृतमा माथि गोली चलाएका थिए । त्यसपछि खम्बा पछाडि लुकेकी एक महिलामाथि पनि उनले गोली हानेका थिए । गोली चलाउनुको कारण अझै स्पष्ट भइसकेको छैन । यधप्पी गोली चलाउने व्यक्ती लस भेगसका सेन तामुर रहेको प्रहरी को प्रारम्भिक अनुसन्धानले देखाएको छ ।
प्रहरी ले आधिकारिक रुपमा जानकारी गराई नसकेको भएपनि विभिन्न रिपोर्टहरुका अनुसार तमुरा एक पूर्व फुटबल खेलाडी हुन्, जसले सन् २०१६ मा हाई स्कुल सम्पन्न गरेका थिए र ग्रानाडा हिल्समा एक उत्कृष्ट रनिङ ब्याकको रूपमा खेलेका थिए। अपुष्ट दाबी हरुका अनुसार तमुरा राष्ट्रिय फुटबल लिग (ण्फ्ल्) मा स्थान नपाएको कुराप्रति निराश थिए भने सोही कारणले यो घटना घटाएको अनुमान समेत गरिएको छ । उक्त आक्रमणकारी पछि तामुराले आफैंलाई गोली हानेर आत्महत्या गरेको प्रहरी ले जनाएको छ ।
