काठमाडौं। OpenAI को chatbot ChatGPT मा अब नयाँ प्यारेन्टल कन्ट्रोल फिचर थपिने भएको छ। अमेरिकाको क्यालिफोर्नियामा बसोबास गर्दै आएका १६ बर्षिय एडम रेनलाई ChatGPT ले आत्महत्या गर्न प्रेरित गरेको भन्दै उजुरी दायर गरेपछि सो फिचर थपिने बताइएको हो।
अन्तरास्ट्रिय मिडियाका अनुसार, एडमका माता-पिता मैथ्यू रेन र मारिया रेनले २६ अगस्टमा सैन फ्रांसिस्कोको स्टेट कोर्टमा OpenAI र यसका फाउंडर सैम ऑल्टमैनमाथि केस फाइल गरिएको थियो। उनीहरुले ChatGPT ले आत्महत्या गर्न सिकाएको र आत्महत्या गर्न प्रेरित गरेको आरोप लगाएका छन्। कम्पनीले आफ्नो फाइदालाई मात्र प्राथमिकता दिएर, प्रयोगकर्ताको सुरक्षा नकारेको उनीहरुले बताएका छन्। क्षतिपूर्ति व्यहोर्न, र सुरक्षा नियमहरू लागू गर्न उनीहरुले अदालतलाई आग्रह गरेको बताइएको छ।
अन्तरास्ट्रिय सञ्चार मध्यमहरुका अनुसार,, OpenAI ले कठिन परिस्थितिहरूका लागि सेफ्टी टेस्ट गरिरहेको छ। OpenAI ले अगस्ट २७ र २८ मा प्रकाशित गरेको ब्लगपोस्टमा च्याटजीपीटीले अपडेटहरू ल्याउने तयारी गरिराखेको बताएको छ, जसबाट ‘मानिसलाई सबैभन्दा बढी आवश्यकता पर्ने समयमा सहयोग मिलोस्’ भन्ने उद्देश्य राखिएको छ। साथै, OpenAI ले ChatGPT मा पहिले पनि आत्महत्याको रोकथाम हेल्पलाइनतर्फ मार्गनिर्देशन गर्ने सिफ्टी फिचर्स भएको तर लामो संवाद हुदा सो फिचर कमजोर हुने स्वीकार गरेको छ।
प्रविधि विशेषज्ञहरुका अनुसार, ChatGPT मा प्यारेन्टल कन्ट्रोल फिचर थपिनु प्रविधि सुधार मात्र नभई सामाजिक र नैतिक उत्तरदायित्वको हिस्सा पनि हो। यस्तो सुविधा ले टिनएजेर प्रयोगकर्ताका लागि एआई सुरक्षित बन्ने अपेक्षा गरिएको छ।
