नाडा अटो शो उद्घाटन गर्दै प्रधानमन्त्रीले भने , लगानी र काम गर्न बाधा छैन , असन्तुष्ट हुनुपर्ने कारण छैन !

काठमाडौं । प्रधानमन्त्री केपी शर्मा ओलीले १७ औं नाडा अटाे शोको आज  उद्घाटन  गरेका छन्। भृकुटीमण्डपमा आज देखि सुरु भई  भाद्र ८ सम्म आयोजना  हुनलागेको नाडा अटो शोको उद्घाटन गर्दै प्रधानमन्त्री ओली वैज्ञानिक खोज, अध्ययनसँगै नयाँ नयाँ विकास, आविष्कार र प्रगति भइरहेको वर्तमान अवस्थामा  नेपालले पनि त्यस प्रकारको विकासको सहज उपभोग गर्ने स्थिति बनाउनुपर्ने बताएका छन्, । यसैगरी   नयाँ ढंगले काम गर्ने युवाहरूलाई सरकारले सबै खालको साथ दिने  प्रतिवद्दता समेत ओलीले प्रकट गर्दै लगानी गर्न र काम गर्न कुनै  बाधा नरहेकाले असन्तुष्ट हुनु पर्ने  कुनै कारण  नभएको पनि दाबी गरेका छन्, ।  “हामीले अग्रगमन र आधुनिकीकरणका लागि नीतिगत व्यवस्थाहरु र पूर्वाधार विकास गरेका छौँ । लगानी र काम गर्न कुनै बाधा छैन । अहिले असन्तुष्ट हुनुपर्ने कुनै कारण छैन । कोही असन्तुष्ट नै हुन्छु भनेर कसम खाएको छ भने त केही लाग्दैन ।” उनले भने ।