काठमाडौं । चलचित्र हुँदै राजनितिमा प्रवेश गरेका अभिनेता तथा नेता रवी किशन सामाजिक संजालमा ट्रोलको शिकार हुन पुगेका छन्, । बुधबार लोकसभाको शून्य समयमा रवी किशनले समोसाको कुरा उठाए पछि ट्रोल हुन पुगेका हुन्। ‘केही ठाउँमा समोसा सस्तो र ठूलो पाइन्छ भने अन्य ठाउँमा सानो र महँगो पाइन्छ।’ उनले आफ्नो माग राख्दै भनेका थिए ।
खाद्य वस्तुहरूको मूल्य नियन्त्रण गर्न कानुन बनाउन माग गर्ने क्रममा उनले उदाहरण स्वरुप उक्त अभिव्यक्ती दिएका थिए । उनको सो मागको भिडिओ सार्वजनिक भएसँगै सामाजिक संजाल प्रयोगकर्ताहरुले ‘अब अचारको कुरा पनि गरौँ। , पार्लेजी बिस्कुटको साइजको पनि कुरा हुनुपर्छ लगायतका टिप्पणी तथा मिम सामाग्री मार्फत रवी किशनलाई ट्रोल गर्न सुरु गरेको भारतीय संचार माध्यमहरुले जनाएका छन् । रवी किशन गोरखपुरबाट भारतीय जनता पार्टी (भाजपा) बाट सांसद छन् ।
