काठमाडौं — हाल वर्षायाममा देशका विभिन्न भागमा बेलाबेला अत्यधिक वर्षाका कारण बाढी र पहिरोको जोखिम बढ्दो छ। अहिले पहाडी र तराईका धेरै स्थानमा पहिरो र डुबानका घटनाहरू भइरहेका छन्। यसले गर्दा प्रमुख राजमार्गहरू पटक–पटक अवरुद्ध हुने र सुचारु हुने क्रम चलिरहेको छ।
राजमार्ग अवरुद्ध हुँदा यात्रुहरूले लामो समयसम्म बाटोमै रोकिएर बस्नुपर्ने अवस्था आउने गरेको छ। सडक सुचारु भए पनि पुनः पहिरो वा डुबानले बन्द हुने सम्भावना रहिरहन्छ। यसले गर्दा यात्रा कष्टकर र अनिश्चित बन्न पुगेको छ।
यसरी प्राकृतिक प्रकोपका कारण प्रभावित हुने सडकहरूको नियमित जानकारी लिन नेपाल प्रहरीको आधिकारिक वेबसाइट तथा सामाजिक सञ्जाल पेज हेर्न सकिनेछ। नेपाल प्रहरीले समयसमयमा बाढी, पहिरो वा अन्य प्राकृतिक विपद्का कारण प्रभावित सडकहरूको स्थिति सार्वजनिक गर्दै आएको छ।
माथि दिएको लिंकमा क्लिक गरी नेपाल प्रहरीको वेबसाइट वा सामाजिक सञ्जाल पेज सजिलै अवलोकन गर्न सकिन्छ। प्रहरीद्वारा प्रदान गरिने यस्ता अद्यावधिक सूचनाले यात्रुहरूलाई सुरक्षित र सहज यात्राका लागि योजना बनाउन सहयोग पुर्याउने विश्वास लिइएको छ।
