काठमाडौं । सामाजिक संजालमा प्रख्यात रहेको पेज Routine of Nepal Banda ले स शर्त व्यवसायहरुको नि: शुल्क विज्ञापन गरिदिने भएको छ । पेजका संस्थापक भिक्टर पौडेल सामाजिक संजाल फेसबुकमा एक स्ट्याटस सेयर गर्दै यस बारे जानकारी गराएका हुन् ।
RONB मा विज्ञापन गरे वापत् विभिन्न सामाजिक कार्य गर्न तयार व्यवसायहरुबाट सम्झौता बमोजिम नि: शुल्क विज्ञापन गरिदिने भिक्टरले टेकमाकुरालाई बताए । ” हामिले CSR अन्तर्गत विभिन्न कार्यक्रम हरु पहिला देखि नै गर्दै आएका छौँ , यसलाई थप प्रभावकारी बनाउन व्यवासहरुलाई पनि उत्प्रेरित गर्ने उद्देश्यले यो अवसर सार्वजनिक गरेका हौँ जसमा हामी ले व्यवसायको नि:शुल्क विज्ञापन गरिदिन्छौँ र यस वापत व्यवसायले कुनै सामाजिक कार्य गर्न सक्छन्,। जस्तै प्राकृतिक विपदको समयमा सहयोग हुन सक्ला । शिक्षाको क्षेत्रमा हुन सक्ला । ” उनले भने ।
भिक्टरले पोस्ट गरेको स्ट्याटस अनुसार RONB ले हाल विभिन्न संघसंस्थासँग मिलेर २०० जना भन्दा बढी विद्यार्थीहरूलाई निःशुल्क शिक्षा प्रदान गर्दै आएको छ । यही कार्यलाई निरन्तरता दिनका निमित्त विभिन्न शैक्षिक संस्थाहरुसँग थप सहकार्य गर्न पनि RONB तयार रहेको छ । RONB ले आज मात्रै एसइइ परीक्षा उत्तीर्ण गरेका ११० विद्यार्थीहरूका लागि छात्रवृत्तिको व्यवस्था गर्ने घोषणा गरेको छ। जस मध्य ६० जनाले खाने बस्ने सुविधा सहित
निशुल्क ११- १२ कक्षा पढ्न पाउने छन्, भने बाँकी ५० जनाले कलेजको ट्युशन फि तिर्नु पर्ने छैन । यस समबन्धी थप विवरण projectshiksha.hundredgroupnepal.org बाट प्राप्त गर्न सकिनेछ
