काठमाडौँ । सामसङले आफ्नो आगामी ग्यालेक्सी एस२६ सिरिजमा विविध एआई कम्पनीहरुसँग सहकार्य गर्दै थप फिचर ल्याउने तयारी गरिरहेको छ। कम्पनीले सन् २०२६ मा सार्वजनिक गर्ने लक्ष्य राखेको एस२६ मोडेलमा गुगलसहित अन्य अग्रणी आर्टिफिसियल इन्टेलिजेन्स (एआई) कम्पनीका फिचर समावेश हुनेछन्।
ब्लूमबर्ग न्यूजसँगको कुराकानीमा सामसङका एक उच्च पदाधिकारीले कम्पनीले आफ्नै जेमिनी एआई सहित विभिन्न एआई सहायक सेवाहरू प्रयोगकर्तालाई उपलब्ध गराउने योजना रहेको बताएका छन्। यसअघि केही रिपोर्टहरूमा सामसङले जेमिनीलाई डिफल्ट एआई असिस्टेन्टबाट हटाउने चर्चा गरेको थियो।
यता, प्रतिस्पर्धी कम्पनी मोटोरोलाले पनि माइक्रोसफ्ट, परप्लेक्सिटी र गुगलसँगको सहकार्यमा आफ्नो ‘मोटो एआई स्वीट’ मा नयाँ फिचरहरू थप्ने घोषणा गरिसकेको छ।
सामसङका अध्यक्ष तथा मोबाइल एक्सपेरियन्स प्रमुख चोइ वन-जुनले ब्लूमबर्गसँगको अन्तर्वार्तामा, भविष्यमा आउने फ्ल्यागशीप स्मार्टफोनहरूमा प्रयोगकर्तालाई एआई फिचरको बृहत् विकल्प उपलब्ध गराउने उद्देश्यले विभिन्न कम्पनीहरुसँग छलफल भइरहेको जानकारी दिएका छन्। उनले ओपन एआईसँग पनि संवाद जारी रहेको खुलासा गरेका छन्।
हालै एप्पलसँग सहकार्य गर्दै ओपन एआईले आफ्ना एआई फिचरहरू नयाँ आइफोन मोडेलमा समावेश गरिसकेको पृष्ठभूमिमा, सामसङले पनि सोही दिशा समात्न लागेको देखिएको छ।
स्सामसङले ग्यालेक्सी एस२५ सिरिजमा जेमिनीको सट्टा परप्लेक्सिटीको एआई असिस्टेन्ट प्रयोग गर्ने योजना बनाएको पाइएको थियो। तर, यस सम्बन्धमा अहिलेसम्म अन्तिम निर्णय भने गरिएको पाइएको छैन।
