काठमाडौँ । नेपाल सरकारको रोजगारसम्बन्धी जब पोर्टल ‘श्रम संसार’ र ‘नागरिक एप’ एक आपसमा जोडिएका छन् । श्रम, रोजगार तथा सामाजिक सुरक्षा मन्त्रालयमा आज आयोजना गरेको कार्यक्रममा दुवै प्लेटफर्म औपचारिक रूपमा आबद्ध भएको सार्वजनिक गरिएको हो ।
उक्त कार्यक्रममा श्रममन्त्री शरतसिंह भण्डारीले नागरिक एपबाट श्रम संसार पोर्टल सञ्चालन गर्न सकिने सुविधाको उद्घाटन गरेका थिए ।
कार्यक्रममा जानकारी गराइए अनुसार प्रयोगकर्ताले अब नागरिक एपमार्फत नै श्रम संसार पोर्टलमा पहुँच पाउने छन्, जसअनुसार आफूले राेजेकाे राेजगारीकाे विज्ञापन सबैभन्दा पहिला देख्न सकिन्छ । साथै, इच्छुक व्यक्तिले आफ्नाे सीभी अनलाइनमार्फतै अपलोड गरेर आवेदन दिन सक्ने सुविधा उपलब्ध हुनेछ।
सुविधासहितको यो अद्यावधिक भर्सन (संस्करण 2.0.83) एन्ड्रोइड र आईओएस दुवै प्लेटफर्ममा उपलब्ध रहेको कार्यक्रममा बताइएको छ ।। जस अनुसार प्रयोगकर्ताले एप अपडेट गरी श्रम संसारसहितका नयाँ सेवाहरू सहज रूपमा उपयोग गर्न सक्ने छन्।
