काठमाडौं । नेपालमा चर्चित मेसेजिङ एप टेलिग्राममाथि प्रतिबन्ध लाग्ने निस्चित भएको छ । नेपाल दूरसञ्चार प्राधिकरणले शुक्रबार एक सूचना जारी गर्दै सम्पूर्ण दुर संचार सेवा प्रदायकहरुलाई टेलिग्राम प्रतिबन्ध गर्ने निर्देशन दिएको हो । अनलाइन ठगी, मनी लाउन्डरिङजस्ता गम्भीर आपराधिक गतिविधिमा यसको प्रयोग बढेको भन्दै प्राधिकरण उक्त निर्णय गरेको जनाइएको छ ।
“नेपालमा सञ्चालनमा रहेको टेलिग्राममार्फत अनलाइन फ्रडको संख्या निरन्तर बढिरहेको र मनी लाउन्डरिङजस्ता गम्भीर अपराधमा संलग्नता समेत रहेको बुझिन आएकोले उक्त टेलिग्राम एवको पहुँचमा तत्काल रोक लगाउनेबन्द गर्ने व्यवस्थाका लागि सम्बन्धित सबै दूरसञ्चार सेवा प्रदायकहरूलाई यसै सूचना मार्फत निर्देशन गरिएको छ ।” प्राधिकरणले जारी गरेको सूचनामा उल्लेख छ ।
