तपाईंको स्मार्टफोनमा अनिवार्य हुनुपर्ने ५ उपयोगी मोबाइल एप

काठमाडौं – प्रविधिको विकाससँगै मोबाइल एपहरू हाम्रो दैनिक जीवनका अभिन्न अंग बनेका छन्। कार्यक्षमता बढाउन र समयको सदुपयोग गर्न विभिन्न एपहरूको प्रयोग आवश्यक रहन्छ। यस सन्दर्भमा, यो लेख मार्फत हाम्रो दैनिक जिवनमा काम लाग्ने तर हामीलाई थाहा नभएका मोबाइल एपहरु बारे जानकारी प्रस्तुत गरिएको छ।
१. Local Send
 Local Send एक अत्याधुनिक फाइल सेयरिङ एप हो जसले विभिन्न अपरेटिङ सिस्टमहरू—जस्तै Android, iOS, Windows, र Mac—बीच सहज र छिटो फाइल आदानप्रदानको सुविधा प्रदान गर्दछ। यस एपमार्फत ठूलो साइजका फाइलहरू पनि बिना इन्टरनेट वा डाटा खर्च गरि सुरक्षित रूपमा स्थानान्तरण गर्न सकिन्छ, जसले कार्यालय र व्यक्तिगत दुवै काममा ठूलो सहयोग पुर्याउँछ।
२. Sampatti
नेपालमै बनेको यो एपले तपाईंको मासिक आय–खर्च, बचत, ऋण, सम्पत्ति र व्यक्तिगत बजेट व्यवस्थापन गर्न सहयोग गर्छ। यदि तपाईं आफ्नो पैसा कहाँ खर्च भइरहेको छ भनेर जान्न चाहनुहुन्छ भने यो एप उपयोगी हुन्छ। यस एपमा फाइनान्स ट्र्याक गर्न सजिलो सिस्टम छ।
३. Truecaller
अनावश्यक फोन कलहरूबाट बच्न र कल गर्ने व्यक्तिको पहिचान गर्न Truecaller एप अत्यन्त उपयोगी छ। एपमा लगइन गरेपछि, आउने कलहरूको नम्बर र सम्बद्ध विवरण फोन स्क्रिनमा नै देखिन्छ। यसले स्प्याम र फ्रड कलहरूबाट जोगाउने र विश्वासिलो सम्पर्कको छानबिनमा सहजता प्रदान गर्ने कार्य गर्दछ।
४. CamScanner
डॉकुमेन्टहरू डिजिटल रूपमा व्यवस्थापन गर्न CamScanner एक प्रभावकारी उपकरण हो। यसले कागजात, फोटो वा नोटहरूलाई उच्च गुणस्तरमा स्क्यान गरी PDF वा अन्य फाइल स्वरूपमा परिणत गर्न सक्षम पार्दछ। स्क्यान गरिएका फाइलहरू सजिलै शेयर गर्न सकिने भएकाले यो एप व्यवसायिक तथा शैक्षिक प्रयोजनका लागि उपयुक्त मानिन्छ।
५. Adobe Reader
डिजिटल डॉकुमेन्टहरूको व्यवस्थापन र डिजिटल हस्ताक्षर गर्न Adobe Reader अत्यावश्यक एप हो। यसले PDF फाइलहरू खोल्न, पढ्न र सुरक्षित रूपमा डिजिटल सिग्नेचर गर्न सहयोग गर्दछ। हस्ताक्षर गरिसकेपछि तुरुन्तै फाइल पठाउन मिल्ने सुविधा यस एपको विशेषता हो, जसले दूतावास, कार्यालय र अन्य आधिकारिक कामहरूमा समय बचत गर्दछ।