काठमाडौं । Volkswagen ले २०२६ देखि आफ्ना सबै इलेक्ट्रिक गाडीहरूमा नयाँ प्लेटफर्म र सस्तो ब्याट्री प्रयोग गर्ने घोषणा गरेको छ। जर्मनीमा मे १४ मा सार्वजनिक गरिएको योजनाअनुसार, कम्पनीले अब MEB+ नामको नयाँ प्लेटफर्ममा आधारित गाडीहरू ल्याउनेछ, जसमा महँगो Nickel-based ब्याट्रीको सट्टा सस्तो तर टिकाउ LFP (Lithium Iron Phosphate) ब्याट्री प्रयोग गरिनेछ।यस कदमले इभी को मूल्य घटाएर प्रतिस्पर्धी बजारमा पहुँच सहज बनाउने अपेक्षा गरिएको छ। Tesla लगायतका कम्पनीहरूले पहिल्यै LFP ब्याट्रीलाई स्वीकृति दिइसकेका छन्, किनभने यि ब्याट्री तुलनात्मक रुपमा सस्तो, आगो लाग्ने जोखिम कम हुने, र दीर्घकालीन टिकाउ हुने खालका हुन्छन्न । Volkswagen को यो रणनीति चीनको सस्तो EV प्रतिस्पर्धासँग जुध्नका लागि ‘cost-first’ मोडमा आएको अनुमान गरिएको छ । चीनले इभी गाडी तथा ब्याट्री निर्माताहरुलाई दिएको सौलियत र प्राथमिकताको कारण हाल विश्व बजारमा चीनियाँ ब्राण्डसँग अन्य ब्राण्डलाई प्रतिस्पर्धा गर्न हम्मे हम्मे परेको अवस्था छ ।
