काठमाडौँ । लोकप्रिय म्यासेजिङ एप्प ह्वाट्सएपले ग्रुप च्याटमा कल शेड्युल गर्ने नँया सुविधा उपलब्ध गराएको छ । प्रयोगकर्ताले आगाडि नै दिन र समय सेट गरेर मिटिङ वा ग्रुप कल राख्न सक्छन् ।
अहिले, यो सुविधा ग्रुप च्याटका लागि मात्र उपलब्ध भए पनि, पर्सनल च्याटमा पनि छिट्टै यो सुविधा उपलब्ध गराउने कम्पनीले जनाएको छ। यसमा स्क्रिन सेयर गर्ने विकल्प पनि रहेको छ।
ह्वाट्सएप ग्रुपमा कसरी कल शेड्युल गर्ने ?
१. मिटिङ शेड्युल गर्नु पर्ने ग्रुप च्याटमा जानुहोस्।
२. त्यसपछि, ‘attach’ icon क्लिक गर्नुहोस्, अनि ‘Event’ विकल्प रोज्नुहोस्।
३. Create Event मा जानुहोस् र मिटिङको नाम, दिन र समय सेट गर्नुहोस्।
४. शेड्युल कलमा ग्रुप बाहिरका सदस्य पनि जोड्न चाहनुहुन्छ भने, ‘Allow guests’ इनेबल गर्नुहोस्।
५. Call Type अन्तर्गत अडियो र भिडियो कल मध्ये एक विकल्प रोज्न सकिन्छ। ती मध्ये, आफूलाई अनुकूल हुने विकल्प छनोट गर्नुहोस्।
६. तल पट्टि दायाँ कुनामा रहेको सेन्ड आइकन क्लिक गर्नुहोस्। त्यसपछि, शेड्युल कल बारे सबै ग्रुप सदस्यलाई अटोमेटिक नोटिफिकेसन जान्छ ।
यस सुविधाले प्रयोगकर्ताको अनुभवलाई अझ व्यवस्थित र सरल बनाउँदै, ह्वाट्सएपलाई व्यावसायिक र व्यक्तिगत दुवै प्रयोजनका लागि थप सशक्त बनाएको छ।
