काठमाडौं। केही महिनाआघि सार्वजनिक भएको Nothing Phone (3) ले सुरुवाती समयमा निकै ध्यान आकर्षण गरेको थियो। तर, केही महिनापछि प्रयोगकर्ताको वास्तविक अनुभव भने सुरुवाती उत्साहभन्दा फरक देखिएको छ।
Reddit जस्ता प्ल्यटफर्ममा प्रयोगकर्ताले फोनको मूल्यअनुसार प्रदर्शन प्राप्त नभएको भन्दै गुनासो गरेका छन्। करिब $799 (नेपाली : १ लाख १२ हजार) मूल्यमा आएको यो फोनमा प्रयोग भएको Snapdragon 8S Gen 4 चिपसेटले दैनिक काममा त सहजै चलाए पनि गेमिङ वा जटिल बहुकार्य सञ्चालनमा प्रतिस्पर्धी ब्रान्डहरूभन्दा पछि परेको अनुभव प्रयोगकर्ताले साझा गरेका छन्।
क्यामेरा पक्षमा पनि प्रयोगकर्ताले नकारात्मक प्रतिक्रिया दिएका छन्। कम लाइटिङ् मा फोटोग्राफीको गुणस्तर कमजोर भएको गुनासो छ। अन्तरास्ट्रिय मिडियाले सुरुमा नै क्यामेरा प्रतिस्पर्धीभन्दा कमजोर भएको टिप्पणी गरेका थिए, र अहिले प्रयोगकर्ताहरूले त्यही अनुभव पुष्टि गरिरहेका छन्।
फोनको ‘weird structure’ पनि प्रयोगकर्ताले मन नपराएको बताएका छन्। विश्वभरिका प्रयोगकर्ताले अनलाईन साझा गरेका आफ्ना अनुभव अनुसार, उनीहरुले फोनको मूल्य अनुसार वर्थ (worth) म्याच नगरेको बताएका छन्। Nothing Phone (3) को ब्याट्री, डिस्प्ले, क्यामेरा क्वालिटी, र अन्य सामान्य फिचरहरु, यस फोन भन्दा आसध्यै कम मूल्य पर्ने आरु फोनहरुमा अझै राम्रो भएको टिप्पणी गरिएको छ।
YouTube का एक कन्टेनट क्रिएटरले फोनको रिभिउ भिडियोमा, icon neo 10 फोनसँग तुलना गर्दै, ‘यदि आफ्नो फोनको मुल्यको आधा भन्दा पनि कम पर्ने अर्को फोनलाई समेत बिट (beat) गर्न सक्दैनौ भने के गरिरहेको छौँ ?’ भन्दै आलोचना गरेका छन्।
१ लाख भन्दा बढी नेपाली रकम पर्ने यस फोनमा केहि लोभलाग्दो विशेषता नै नपाएपछि प्रयोगकर्ताबाट आलोचना हुनु पनि स्वभाविक नै देखिन्छ।
Nothing Phone (3) ले आफ्नो अनौठो डिजाइन र OS 3.5 सफ्टवेयरका कारण बजारमा छुट्टै पहिचान बनाउन सफल भएको थियो। तर, तुलनात्मक रूपमा उच्च मूल्यका कारण प्रयोगकर्तामाझ लोकप्रिय हुन सकेको छैन, उल्टै विश्वभर आलोचना भइराखेको छ। नेपालजस्ता मूल्य-संवेदनशील बजारका लागि यसको भविष्य अझै चुनौतीपूर्ण देखिन्छ।
