काठमाडौँ । नेपाल टेलिकमको कोर प्रणालीमा देखिएको प्राविधिक त्रुटिका कारण देशभरका ग्राहकहरू मोबाइल डेटा सेवा प्रयोग गर्न असमर्थ भएका छन्।
सोमबार दिउँसो १:४५ बजेदेखि डेटा सेवा अवरुद्ध भएको पुष्टि टेलिकमले गरेको छ। कम्पनीका प्रवक्ता रविन्द्र मानन्धरका अनुसार कोर सिस्टममा प्राविधिक समस्या देखिएसँगै मोबाइल डेटा चल्न छोडेको हो।
“दिउँसो करिब पौने २ बजेदेखि हाम्रो कोर प्रणालीमा समस्या देखिएको छ। समाधानका लागि प्राविधिक टोली खटिएको छ,” प्रवक्ता मानन्धरले जानकारी दिएका छन्।
डेटा सेवा अवरुद्ध हुँदा देशभरका प्रयोगकर्ताले असुविधा भोग्नुपरेको छ। कम्पनीले ग्राहकहरूले भोग्नु परेको असुविधाप्रति क्षमायाचना गर्दै समस्या समाधानका लागि सक्रिय रूपमा काम गरिरहेको जनाएको छ। कम्पनीले केही समय अघि एक सूचना जारी गर्दै फोरजी तथा भोल्टे सेवामा समस्या उत्पन्न हुन गएको र टुजी तथा थ्रिजी सेवा भने नियमित रूपमा सञ्चालनमा रहेको
