काठमाडौं । टेक जायन्ट कम्पनी मेटाका सिइओ मार्क जुकरवर्गले मानिसका व्यक्तिगत समस्या हल गर्ने हेतु Personal Superintelligence लाई प्राथमिकतामा राखिएको अभिव्यक्ति दिएका छन्, । मार्कले हिजो बुधबार आफ्नो धारणा सार्वजनिक गर्दै यस बारे जानकारी गराएका हुन् । मार्कले सार्वजनिक गरेको पत्रका अनुसार मानिसहरुले एआइको प्रयोग गरेर आफ्नो निजी लक्ष्य पुरा गर्न सकुन्, भन्ने उनको चाहना रहेको छ । यधप्पी मस्कले सो प्रविधिको कोडलाई भने ओपन सोर्स नगर्ने पनि संकेत गरेका छन्, । सामान्यतय प्रविधी क्षेत्रमा कुनै पनि सफ्टवेयर वा एप्लिकेशनहरु बनाइसकेपछि सोही कोर्डमा आवश्यक परिमार्जन गरी नयाँ एप्लिकेशन वा सफ्टवेयर बनाउन सकियोस्, भइरहेको कोडमा रहेको कुनै समस्याको बारे थाह पाउन सजिलो भई आवश्यक परिमार्जन गर्न सकियोस्, लगायतका अभिप्राय सहित कोर्डलाई सार्वजनिक रुपमा जो कसैले प्रयोग गर्न सकिने गरी उपलब्ध गराउने चलन हुन्छ यसलाई प्राविधिक भाषा ओपन सोर्स भन्ने गरिन्छ ।
” हामी चाहन्छौँ Super intelligence को फाइदा संसारका अधिकांस मानिसहरुले उठाउन सकुन्, । तर यसो भनिरहँदा यसले निम्त्याउन सक्ने सुरक्षा खतराको बारेमा पनि हामी सजग हुनु आवश्यक हुन्छ । यसका लागि हामी चनाखो हुनुपर्छ र के कुरालाई ओपन सोर्स गर्ने भन्ने कुरामा ध्यान दिनुपर्छ । ” मार्कले लेखेका छन्, ।
मार्कको यो घोषणालाई प्रविधी क्षेत्रमा महत्वका साथ लिइएको छ , किनकी मेटाले यसअघिको एआइ मोडल Llama एआइ मोडलको कोड ओपन सोर्स गरेको थियो भने यही कदमको कारण मेटा आफ्ना अन्य प्रतिस्प्रधी ओपन एआइ , गुगल डिपमाइन्ड भन्दा फरक रुपमा प्रस्तुत हुन खोजेको अनुमान गरिएको थियो । मार्कले गत वर्ष पनि एआइ अत्यन्तै प्रभावकारी भएको खण्डमा कोडलाई ओपन सोर्स नगर्ने धारणा सार्वजनिक गरेका थिए । मार्कको यो अभिव्यक्तिलाई एआइ प्रतिस्प्रधामा मेटालाई अब्बल बनाउने एक रणनितिको रुपमा पनि लिइएको छ ।
